Gardsbesøk, sidersafari og 
mykje meir.

Opplev Ulvik Frukt & cideri, ei familiebedrift på garden Hakastad og familien Børsheim. Nydeleg utsikt over fruktbygda Ulvik. Dei lagar produkt på både tradisjonelle og gamle eplesortar, samt spesialiserte sidereple. Dette gjev stort spenn og smaksvariasjon i produkta. Asbjørn Børsheim har vore i siderverda i mange år, og vore ein sentral aktør for utviklinga i næringa.

Nils Lekve og arvtakarane Anna og Eirik ynskjer velkomen til sidersmaking, siderplanke og gardsutsal i Ulvik. Hardanger saft- og siderfabrikk er blant dei fyrste som verkeleg satsa på sider og eplemost. Tradisjonell fruktgard med storproduksjon av eplemost og sider, nytt morderne brenneri for produksjon av eplebrennevin.

Syse gard får du oppleva det hyggelege ekteparet Gro og Hans som driv gardsbruk med både frukt og sau. Dei produserer sider, most, syltetøy av frukta og ulike produkt frå sau. Syse har fått utmerking som handverksbedrift med fokus på kvalitet og autentisk arbeid.

Dei 3 gardane, Ulvik frukt og cideri, Hardanger saft- og siderfabrikk og Syse gard tilbyr mange ulike opplevingar frå gard til gard. Du kan vandra gjennom frukthagar frå sentrum og fjorden i Ulvik, og opp til gardane. Alle gardane har gardsutsal.
Gardane tek imot grupper etter avtale for omvisningar og smaksprøvar, og legg vekt på å gje ulike opplevingar. Ta kontakt direkte med kvar gard for grupper!
Alle gardane har gardsutsal med eigenproduserte varer.