Hjå gardar som kun tilbyr gardsutsal, kan det vera lurt å ta ein telefon i forkant for å sikra at dei er opne. Avvik i opningstider kan forekoma, og dette vil ikkje tastehardanger.com klara å fanga opp løpande. Oppsøk også SoMe og nettsider til produsentane for oppdateringar.
I Hardanger er det 28 siderprodusentar. Eit stort mangfold frå små til store med produksjon frå 1500 til 250 000 liter. Mange tilbyr opplevingar på garden, alle har gardsutsal. Fleire av produkta kan du få tilgang til via Vinmonopolet.
Les meir om alle produsentane og deira tilbod her.
Produsentar som tilbyr bookbar sidersmaking:
Hardanger saft- og siderfabrikk, Syse gard og Ulvik frukt & cideri, Aga sideri, Åkre gard, Store Naa Siderkompani, Alde sider, Epli sideri, Hardangerbonden og Opedalstunet.
Produsentar som tilbyr drop-in i opningstida (siderplanke, på glas o.l)
Aga sideri, Hardanger saft- og siderfabrikk, Syse gard og Ulvik frukt & cideri, Store Naa Siderkompani, Opedalstunet, Lofthus Sideri, Spildegarden.
Alle gardar har gardsutsal.
Produsentar som tilbyr gruppebooking heile året:
Hardanger saft- og siderfabrikk, Syse gard og Ulvik frukt & cideri, Jaastad sideri, Aga sideri, Åkre gard, Kvestad sideri, Store Naa Siderkompani, Alde sider, Hardangerbonden, Epli sideri, Lie gard, Opedalstunet, Lofthus Ekspedisjon, Lofthus sideri, Helleland gard og Spildegarden.
Ta kontakt med ønska gard.
Alle våre produsentar har anledning til å selja produkta frå garden. Opningstid vil variera mellom produsentane.
Hjå gardane som kun tilbyr gardsutsal, anbefaler me å ta ein telefon i forkant for å sikra at dei er ope.
LOVLEGE SALSTIDER FRÅ GARDSUTSALA
Måndag til fredag: kl. 08-20.
Laurdag: kl. 08 – 18.
Sundag: Stengt
Alle heilagdagar er også stengt.
Er du her utanom sesong, er det lurt å ta ein telefon til produsenten i førevegen.
Foto: Stian Siversten
Sommaren 2025 er det ingen siderbåt i rute.
Andre alternativ er:
Norled tilbyr Fjordcruise 1. mai – 30. september med stoppestadane
Norheimsund – Herand, Utne, Lofthus, Kinsarvik, Ulvik og Eidfjord.
https://www.norled.no/fjordcruise/hardangerfjordcruise-fra-norheimsund/
Trolltunga Active:
Tilbyr RIB-båt frå Odda og Lofthus til Vikebygd med sidersmaking.
https://www.trolltunga-active.com/activities/rib-boat-fjord-safari-sider-tasting
Hardanger Fjordcruise tilbyr charter av Pilargut og Pilarjenta. Kapasitet 11 passasjerar.
https://hardanger-fjordcruise.no/
Det vert folkefest! Hardanger er landets desidert fremste region for siderproduksjon. Bli med på besøk til gardane i fjorden, midt i bløminga, og til Smelteverket i Odda. Ei helg med sider i alle glas, kokkar frå øvste hylle, matmarknad, siderkursing, bokslepp og konsertar, og ikkje minst: Møt siderprodusentar frå heile landet og Norden!
Les meir på siderfest.no.
Dei tre gardene langs Frukt- og Siderruta ynskjer årleg velkomne til vakre Ulvik!
Det er mai, det er bløming og årets sider er tappa og klar!
Les meir på siderruta.no.
Foto: Visit Hardangerfjord
Helga etter sidersleppet inviterer Frukt- og Siderruta i Ulvik til eit vaskeekte minislepp der du får oppleve alle dei tre gardane på ein vandring!
Les meir på siderruta.no.
Foto: Visit Hardangerfjord
Bli med på Vestlandets største mat- og drikkefestival første helga i september.
Norsk siderfestival vert arrangert årleg saman med Bergen matfestival. Møt produsentar frå heile landet i nydelege Bergen.
Les meir på matfest.no.
Siste helga i september er frukthausten i full gang og Frukt- og siderruta inviterer til ei reise i epla si verd – frå gard til bord.
Den einaste Frukt- og siderruta i Noreg finn du i Ulvik i Hardanger. Tre gardar – mange ulike opplevingar frå gard til gard der du kan vandre gjennom frukthagar frå sentrum og fjorden i Ulvik, og opp til gardane.
Les meir på siderruta.no.
Foto: Visit Hardangerfjord
Siderfestivalen i Øystese – ikkje av dei største – men ein av dei trivelegaste!
Fyrste helga i oktober. Kom og få auka kompetansen din på sider og siderlegging og smaka deg fram til ein favoritt-sider. Slå av ein god prat eller to, lat deg underhalda og kos deg glugg i hjel!
Les meir på siderfestival.no.
